Telman İsmayılovun şəxsi “killer”inə 13 illik həbs

mar-13
13:33 2018
Telman İsmayılovun şəxsi “killer”inə 13 illik həbs

Moskva vilayətinin Krasnoqor şəhər məhkəməsi iki sahibkarın öldürülməsində təqsirli bilinən Mehman Kərimova ciddi rejimli koloniyada 13 illik həbs cəzası verib.

Bu barədə Xeberfakt.az “İnterfaks”a istinadən xəbər verir.

İstintaq zamanı məlum olub ki, M.Kərimov bu cinayətin təşkilatçısı, biznesmen Telman İsmayılovun işində fiqurant kimi çıxış edib.

Belə ki, 2016-cı il may ayının 15-də M.Kərimov sahibkar Vladimir Savkini və Yuri Brylevi Novorijskoye şosesində güllələyib.

Məlum olub ki, paytaxtdakı Çerkizovskiy bazarının keçmiş sahibi Telman İsmayılov cinayətin təşkilatçısı olub. O, bu cinayətin planını qardaşları Rafiq və Vaqiflə birlikdə işləyib-hazırlayıb:

“Rafiq İsmayılov qardaşları ilə əldə olunmuş razılaşmaya görə, M.Kərimovu cinayət yerindən götürüb, sonra da yoldaşları ona gizlənməkdə, həmçinin cinayət alətini gizlətməkdə yardım göstəriblər”,- deyə Rusiyanın İstintaq Komitəsinin verdiyi məlumatda qeyd olunur.

Rusiyadan gedən və məhkəmənin qərarı ilə qiyabi olaraq həbs edilən Vaqif və Telman İsmayılovla bağlı cinayət işi ayrı icraata verilib.

T.İsmayılovun vəkili Marina Rusakovanın sözlərinə görə, onun müdafiə etdiyi şəxs günahkar olduğunu inkar edir. M.Kərimov isə onun üstünə böhtan atıb.

T.İsmayılovla bağlı cinayət işinin istintaqı hazırda başa çatıb.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    İyun 2018    »
BeÇaÇCaCŞB
 123
45678910
11121314151617
18192021222324
252627282930 

ARXİV


Рейтинг@Mail.ru