Xəbərlər

Naxçıvanda daha bir bahalaşma bumu... - NARAZILIQ!

sen-22
10:20 2022


Naxçıvanda daha bir bahalaşma bumu... - NARAZILIQ!

Naxçıvan şəhərində taksi xidmətinin qiyməti məsafədən asılı olaraq 2-3 manatdan 4-5 manata qalxıb.

Bu barədə “Gündəlik Naxçıvan”a yerli sakinlər məlumat veriblər. Naxçıvan şəhər sakini Murtuz Məmmədov deyir ki, hər gün 2 manata getdiyi yol üçün, bu dəfə taksi sürücüsü 4 manat istəyib:

“ Çalışdığım Cahan Ticarət Mərkəzindən avtovağzala həmişə taksi ilə 2 manata gedirəm. Bu dəfə isə sürücü etiraz edib dedi ki, artıq qiymətlər qalxıb, 4 manat verməliyəm. Mən də məcbur qalıb, verdim. Bu qiymət sərf eləmir deyə, indi piyada gedib-gəlirəm”.
Naxçıvan kiçik şəhər olduğundan, taksilər məsafədən asılı olmayaraq, standart qiymətə aparır: İstər 500 metr, istər 2 km. İndiyə kimi bu qiymət 2 manat, nibətən uzaq Əliabad qəsəbəsi və Mikrorayonlara gediş isə üç manat olub. Sakinlər deyir ki, hazırda şəhər mərkəzində qiymətlər 3-4 manata qalxıb. Mikrorayonlara və Əliabad qəsəbəsinə isə gedəcəyin yerdən asılı olaraq 4-5 manat, bir çox hallarda 6 manat belə istəyirlər.
Şikayətçilər deyir ki, rayonlararası işləyən taksilər də qiyməti qaldırıblar. Şərur rayon sakini Maqsud İsayev deyir ki, əvvəl adambaşı 3 manata getdikləri yola indi 5 manat verməlidirlər:
“Bir neçə gün əvvəl Şərur-Naxçıvan-Şərur istiqamətində taksilər bir nəfəri mənzil başına 3 manata aparırdılar. İndi isə 5 manat istəyirlər”.
Taksi sürücüləri isə qiymətləri məcburi qaldırdıqlarını deyirlər. Uzun illər bu işlə məşğul olan Toğrul Rüstəmov bildirir ki, buna səbəb yanacağın, ərzağın qiymətlərinin qalxmasıdır:
“Biz də cəmiyyətin bir parçasıyıq. Yanacağın, kommunal xidmətlərin qiymətləri artıb. Ərzağın qiymətləri durmadan artır. Hər ay vergi və sosial müdafiəyə də pul ödəyirik. Arada yol polislərinin də qanunsuz cərimələri ilə üzləşirik. Nəqliyyat nazirliyinin əməkdaşlarına da görüm-baxım eləməliyik. Bu səbəbdən qiymətləri qaldırmaq məcburiyyətindəyik. Axı, biz də ailə-uşağımızı dolandırmalıyıq".

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Oktyabr 2022    »
BeÇaÇCaCŞB
 12
3456789
10111213141516
17181920212223
24252627282930
31 

ARXİV

Oktyabr 2022 (193)
Sentyabr 2022 (651)
Avqust 2022 (691)
İyul 2022 (743)
İyun 2022 (920)
May 2022 (863)

Рейтинг@Mail.ru