Bakı İstintaq Təcridxanasında saxlanılan şəxslər sıxlıqdan əziyyət çəkir.

dovrunnabzi.az-ın xəbərinə görə, bu barədə Gununsesi.info-ya məlumatı verən həmin şəxslərdən birinin valideynləri bildirib ki, övladları 4 nəfərin nəzərdə tutulduğu kamerada 10 nəfərlə saxlanılır: “Övladımızın yanına getmişdik. Şikayətlənir ki, yatmağa imkan yoxdur. Cəmi 4 çarpayı var. Gecə növbə ilə yatırlar”.

Vətəndaşların sözlərinə görə, Ombudsman Aparatından gələn şəxslərə həmin kameraların qapısı açılmır. Məsələ ilə bağlı Penitensiar Xidmətin mövqeyini dərc etməyə hazırıq.

Onu da qeyd edək ki, İnsan Hüquqları Üzrə Müvəkkiliin (Ombudsman) ötən illə bağlı hesabat məruzəsində bu məsələ xüsusi vurğulanıb. Görünür, Penitensiar Xidmət rəhbərliyi nəticə çıxarmaq niyyətində deyil.