“Oxçuçay çayının, eləcə də digər regional çaylardakı problemin həlli və çirklənmənin qarşısının alınması ilə bağlı beynəlxalq təşkilatlara müraciətimizə heç bir konkret və mənalı cavab almadıq”.

Bunu BMT ilə Azərbaycan Respublikasının əməkdaşlığında vacib olan proses və təşəbbüslərin, qabaqcıl yanaşmaların müzakirəsi məqsədilə Ağdam şəhərində strateji məsləhətləşmələrə həsr olunmuş dəyirmi masada ekologiya və təbii sərvətlər naziri Muxtar Babayev bildirib.

Nazir deyib ki, bu, transsərhəd su problemləri ilə məşğul olmaq üçün qaçırılmış fürsət idi:
“Amma yenə də biz inanırıq ki, BMT agentlikləri ilə sıx əməkdaşlıq etməklə mövcud vəziyyəti dəyişə biləcəyik”.