“Azəriqaz”ın ənənəvi “qazlama” əməliyyatı: - “Abonent smart sayğacın yerinə qaytarılmasını tələb edə bilər"

mar-03
09:52 2021

Məlumdur ki, “Azəriqaz” İstehsalat Birliyinin smart sayğacları mexaniki sayğaclarla əvəzləməsi ilə bağlı kütləvi şikayətlər var.

Abonentlər mexaniki sayğacların daha çox sərfiyyat yazdığını bildirirlər. Şikayət və narazılıqlar mətbuat və sosial şəbəkələrdə dəfələrlə gündəmə gəlsə də, “Azəriqaz” “işindən qalmır”, sayğac dəyişdirmə əməliyyatları davam etməkdədir.

Maraqlıdır, abonent buna etiraz edərək, smart tipli sayğacın saxlanılmasını və ya yerinə qaytarılmasını tələb edə bilərmi?

Hüquqşünas Əsabəli Mustafayev Cebhe.info-ya açıqlamasında xatırladıb ki, “Azəriqaz” sayğacların dəyişdirilməsini onların istismar müddətinin bitməsi ilə əlaqələndirilir:

““Azəriqaz”-ın açıqlamasına görə, abonentin narazılığı olduğu halda yenidən smart sayğaclar qaytarılıb yerinə quraşdırılır, yəni qurum bundan imtina etmir. Hələ ki, elə bir şikayət eşitməmişəm ki, abonent köhnə sayğacını qaytarmaq istəsin, amma “Azəriqaz” bundan imtina etsin. Hüquqi cəhətdən də abonent bunu tələb edə bilər”.

Hüquqşünas deyir ki, amma problem ondadır ki, smart sayğaclar da etibarlı deyil və “Azəriqaz” tərəfindən aparılıb geri gətirildikdən sonra qurumun daha çox sərfiyyat yazması üçün sayğaca müdaxilə edə biləcəyi ilə bağlı ehtimal yarana bilər:

“Buna da əsas verən odur ki, istənilən sayğacın ölkəyə gətirilməsi, quraşdırılması, onlara nəzarət bir əldədir. Bu düzgün deyil. Ölkədə bütün ölçü, çəki cihazlarına nəzarət edən xüsusi bir qurum olmalıdır. O zaman insanlarda buna etimad yaranar. Sovet dövründə belə bir qurum vardı. “Azəriqaz”-ın özünün ixtiyarı olmamalıdır ki, sayğacların işləmə standartlarını özü yoxlasın. Abonentlərin həmin quruma müraciət etmək imkanı olmalıdır. Çünki indi bu cür şikayətlər həddindən artıq çoxdur. Həm də yalnız qaz sayğacları ilə bağlı deyil, su sayğacları, marketlərdəki ölçü cihazları bağlı da narazılıq var. Hesab edrəm ki, belə bir qurumun yaranmasına çoxdan ehtiyac yaranıb”.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Aprel 2021    »
BeÇaÇCaCŞB
 1234
567891011
12131415161718
19202122232425
2627282930 

ARXİV

Aprel 2021 (415)
Mart 2021 (719)
Fevral 2021 (678)
Yanvar 2021 (741)
Dekabr 2020 (601)
Noyabr 2020 (586)

Рейтинг@Mail.ru