Elton Məmmədov Ramiz Mehdiyevi məhkəməyə verdi - "O mənim hüququmdur..."

sen-14
13:42 2021

AMEA prezidenti Ramiz Mehdiyevlə qurumun İşlər idarəsinin müdiri Elton Məmmədov arasında qalmaqal səngimək bilmir. Aralarında torpaq davasından tutmuş vəzifə mübahisəsinə qədər davam edən gərginlik məhkəmə ilə nəticələnib.

Bizim.Media-nın əldə etdiyi məlumata görə AMEA Rəyasət Heyəti aparatının İşlər idarəsinin eks müdiri, Ziya Məmmədovun qardaşı Elton Məmmədov qurumu məhkəməyə verib.

Səbəb kimi Ramiz Mehdiyevin işdən kənarlaşdırdığı Elton Məmmədovun yerinə kürəkəninin qardaşı Fikrət Əliyevi gətirməsi olub.

Bizim.Media-ya bu barədə danışan Elton Məmmədov AMEA-nı məhkəməyə verməsi məsələsini nə təsdiq, nə də təkzib edib:

"O mənim hüququmdur. Məhkəməyə verərəm, ya vermərəm, sizə nə? Məlumat vermək istəmirəm. Məhkəmə prosesi gedəndə deyəcəm, zamanında deyiləndə eşidəcəksiniz", - deyə Elton Məmmədov əlavə edib.

Məsələni Azərbaycan Milli Elmlər Akademiyası (AMEA) ilə də dəqiqləşdirməyə çalışdıq.

Qurumun şöbə müdiri Ağagüseyn Şükürov bir qədər sonra məlumat verəcəyini bildirsə də, sonradan onunla əlaqə yaratmaq mümkün olmayıb.

Elton Məmmədovun AMEA-nı məhkəməyə verməsini təkzib etməməsi məsələnin gündəmdə olaraq həqiqətəuyğun olmasından xəbər verir.

Qeyd edək ki, Elton Məmmədovun AMEA-dakı vəzifəsinə Ramiz Mehdiyevin əmri ilə öz kürəkəni, keçmiş deputat İlham Əliyevin qardaşı Fikrət Əliyev təyin olunub.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Sentyabr 2021    »
BeÇaÇCaCŞB
 12345
6789101112
13141516171819
20212223242526
27282930 

ARXİV

Sentyabr 2021 (465)
Avqust 2021 (609)
İyul 2021 (642)
İyun 2021 (622)
May 2021 (748)
Aprel 2021 (727)

Рейтинг@Mail.ru