Bələdiyyə sədrinin oğlu süpürgəçini maşınla vurub: süpürgəçi xəstəxanada ölüb

okt-19
18:00 2021
Bələdiyyə sədrinin oğlu süpürgəçini maşınla vurub: süpürgəçi xəstəxanada ölüb


Suraxanı rayon Bülbülə bələdiyyəsinin sədri Natiq Həsənovun oğlu Nahid Həsənovun qəza törətdiyi və qəzada süpürgəçinin öldüyü bildirilir.

Bunu hadisə şahidləri "Arqument.az"a deyiblər.

Onlar bildiriblər ki, qəzaya düşən süpürgəçi 3 saylı Şəhər Klinik Xəstəxanasına (Sabunçu) yerləşdirilib. Amma həyatını xilas etmək mümkün olmayıb.

Məlumatda qeyd olunur ki, qəzanı törədən Nahid Həsənovla bağlı hər hansı bir hüquqi tədbir görülməyib: "Məqsədli olaraq, cinayət işini ört-basdır etmək istəyirlər. Natiq Həsənov Suraxanı rayon icra başçısı Eldar Əzizova yaxın şəxsdir. Bu üzdən istəmirlər ki, məlumat ictimailəşsin".

Bildirilir ki, qəzanı törədən Nahid Həsənov AZAL-ın (Azərbaycan Hava Yolları) işçisidir.

Şəhər Klinik Xəstəxanasından hadisə ilə bağlı məlumat öyrənmək mümkün olmayıb. Xəstəxananın qəbul şöbəsindən bildiriblər ki, bu barədə məlumat vermək səlahiyyətində deyillər.

"Arqument.az"ın əməkdaşı Bülbülə bələdiyyəsinin sədri Natiq Həsənovun mobil nömrəsinə bir neçə dəfə zəng etsə də, cavab verilməyib.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    Dekabr 2021    »
BeÇaÇCaCŞB
 12345
6789101112
13141516171819
20212223242526
2728293031 

ARXİV

Dekabr 2021 (181)
Noyabr 2021 (643)
Oktyabr 2021 (594)
Sentyabr 2021 (640)
Avqust 2021 (609)
İyul 2021 (642)

Рейтинг@Mail.ru