Xəbərlər

Nə qədər ki, Qarabağ müharibəsi var, Rusiya... - Politoloq

avq-06
09:10 2017
Nə qədər ki, Qarabağ müharibəsi var, Rusiya... - Politoloq
Dünyanın enerji təhlükəsizliyinə təhdidin qarşısının alınmasında Rusiyanın müstəsna rolu var və ABŞ hazırda məhz bu rolu azaltmaq üçün əlindən gələni edir.

Bu sözləri Axar.az-a açıqlamasında politoloq Arzu Nağıyev deyib. Ekspert bunun Avropanın xoşuna gəlmədiyini bildirib:

“Trampın prezident seçilməsində Rusiyanın müstəsna rolu irəli sürülsə də, Tramp hələ ABŞ demək deyil. Məlum məsələdir ki, Trampın qoyduğu məsələlər Senatda və Nümayəndələr Palatasında birmənalı qarşılanmır. Dünya enerji təhlükəsizliyinə təhdidin qarşısının alınmasında Rusiyanın müstəsna rolu var və ABŞ hazırda məhz bu rolu azaltmaq üçün əlindən gələni edir. Bu isə Avropanın xoşuna gəlmir və Qərbi ABŞ-a qarşı müəyyən addımlar atmağa vadar edə bilər”.

Politoloqun sözlərinə görə, nə qədər ki, Ukrayna, Dnestryanı və Dağlıq Qarabağ kimi müharibə ocaqları var, ABŞ-Rusiya gərginliyi səngiməyəcək:

“Böyük güclərin maraqları toqquşduqda təbii ki, bu, digər dövlətlərə də təsirsiz ötüşmür. ABŞ-ın bu gün Rusiyanı özünə bir nömrəli düşmən elan etməsi Rusiya ilə əlaqəli dövlətləri də təhlükəyə ata bilər”.

A.Nağıyevin fikrincə, iki dünya nəhəngi arasındakı münaqişə Dağlıq Qarabağ probleminin həllini ləngidir:

“Hər iki dövlət ATƏT-in Minsk Qrupunun həmsədrləridir. Münasibətlərin bu həddə çatması hərbi, iqtisadi və siyasi cəhətdən ölkəmizdən də yan keçmir. Üstəlik, NATO ilə Rusiyanın sərhədi Türkiyə-Ermənistan sərhədindən keçir. Bundan başqa, İran və Azərbaycanın sərhədi də Dağlıq Qarabağdan keçir. Rusiya hazırda çox çalışır ki, buraya nəzarət etsin. Hər iki amil də prosesə mənfi təsir göstərir”.

Yazıda səhv varsa bu barədə bizə məlumat ver.

Səhv olan yazını seç və CTRL+ENTER düymələrini sıx və bizə göndər

Xəbər lentİ

Təqvİm

«    May 2022    »
BeÇaÇCaCŞB
 1
2345678
9101112131415
16171819202122
23242526272829
3031 

ARXİV

May 2022 (431)
Aprel 2022 (701)
Mart 2022 (686)
Fevral 2022 (631)
Yanvar 2022 (663)
Dekabr 2021 (554)

Рейтинг@Mail.ru