Bakıda arvadını qətlə yetirməkdə təqsirləndirilən Füzuli Qarayevə hökm oxunub. O, 15 il müddətinə azadlıqdan məhrum edilib.

Hökm Bakı Ağır Cinayətlər Məhkəməsinin hakimi Eldar İsmayılovun sədrliyi ilə keçirilən prosesdə elan olunub.

Qeyd edək ki, hadisə 2021-ci il avqustun 3-də Xəzər rayonu, Zirə qəsəbəsi ərazisində qeydə alınıb. Belə ki, 1979-cu il təvəllüdlü F.Qarayev arvadı, 1997-ci il təvəllüdlü Sevinc Məhərrəmovanı aralarında yaranan mübahisədən sonra qonşusu Röyal Hüseynovun evinə getdiyinə görə qətlə yetirib.

O, həmçinin küçədə R.Hüseynovu və onun yanında fəhlə işləyən Ramil Bəşirovu da bıçaqlayıb. Daha sonra F.Qarayev saxlanılıb, barəsində həbs qətimkan tədbiri seçilib.