UEFA Avropa Liqası çərçivəsində Almaniyanın "Leyptsiq" klubu Şotlandiyada "Reyncers" komandası ilə qarşılaşıb.
 
Qlazqodakı matç ev sahibinin 3:1 hesablı qələbəsi ilə yekunlaşıb.
 
İki oyunun nəticəsinə əsasən, hesab "Reyncers"in xeyrinə olub - 3 :2.
 
Digər matçda İngiltərə "Vest Hem"i Almaniyada "Ayntraxt"la münasibətlərinə aydınlıq gətirib. Oyun 1:0 hesabı ilə Almaniya klubunun xeyrinə bitib.
 
Londondakı ilk görüşdə Frankfurt təmsilçisi rəqibini 2:1 hesabı ilə məğlub etmişdi.
 
Beləliklə, mayın 18-də İspaniyanın Sevilya şəhərindəki "Ramon Sançes Pisxuan" stadionunda baş tutacaq final qarşılaşmasında "Reyncers" - "Ayntraxt" klubları üz-üzə gələcək.