Nəhayət, neçə vaxtdır səbirsizliklə gözlədiyimiz Bakı-Tiflis-Qars dəmiryolu xəttinin açılışı baş tutdu.

Teleqraf.com xəbər verir ki, bunu Milli Məclisin deputatı Adil Əliyev bildirib.

O qeyd edib ki, Prezident İlham Əliyevin qeyd etdiyi kimi, bəzi xarici dairələr Bakı-Tiflis-Qars dəmiryolunun reallaşmasına inanmırdılar. Ancaq Azərbaycan, Gürcüstan və Türkiyə rəhbərliyinin vahid iradəsi və qətiyyəti layihənin gerçəkləşməsini sürətləndirdi:

“Layihənin bölgə üçün önəmi böyükdür. Azərbaycan olaraq faydasını sonradan hiss edəcəyik. Xüsusilə, layihə bütün türk dünyası üçün strateji önəm kəsb edir. Türk birliyini və həmrəyliyini sürətləndirəcək. Mərkəzi Asiya dövlətləri ilə iqtisadi əlaqələrə xüsusi impuls verəcək”.

A.Əliyevin sözlərinə görə, ən vacibi də odur ki, BTQ Avropa və Asiya arasında körpü rolu oynayacaq:

“Ermənistan da narahatdır. İrəvan mat vəziyyətindədir. Çünki regionda baş tutan iri iqtisadi layihələr Ermənistanın iqtisadi mühasirəsini sürətləndirir. Açılışlar İrəvana rəsmi Bakı tərəfindən tutarlı bir mesajdır; nə qədər ki, gec deyil İrəvan işğalçı siyasətindən əl çəkməlidir”.