Hazırda bütün ölkədə hər region üzrə 25 məktəb olmaqla ümumilikdə 300-dən çox məktəbdə şagirdlər üçün yeni davranış qaydaları pilot şəkildə tətbiq olunur.

Bu sözləri elm və təhsil naziri Emin Əmrullayev bugünkü brifinqdə çıxışı zamanı deyib.

"Məktəblərə təlimatlar göndərilib. Təhsil İnstitutunda tapşırılıb ki, tədqiqat və müşahidələr aparılsın.

Toplanmış məlumatlar əsasında, Təhsil İnstitutunun tədqiqatlarına əsasən, əlavə düzəlişlər edilərək 2023-2024-cü təhsil ilindən yeni davranış qaydalarının tətbiq etməyi planlaşdırırıq".

Nazir bildirib ki, qaydaların tətbiqi üçün bu, özünü doğrultmalıdır:

"Davranış qaydaları özünü doğrultmağa, pilot formada tətbiqinin müddəti uzadıla da bilər".